Луис Суарес ӘЧ үшін Уругвай сапына оралмақ

Луис Суарес, "Интер Майами" шабуылшысы Уругвай құрамасына қайта оралу мүмкіндігі туралы пікір білдірді.

39 жастағы шабуылшы ұлттық құрамадағы мансабын аяқтағанын бұған дейін жариялағанына қарамастан, 2026 жылғы әлем чемпионатында қайтадан ойнау мүмкіндігін жоққа шығармады.

"Әрине, құрама – әрқашан сен қалайтын нәрсе. Қазір бұл туралы ойлай бастайсың, санаңда саралайсың, ал әлем чемпионаты жақындап қалғанын ескерсек, егер командаға қажет болсаң... не істер едің? Мен ешқашан өз еліме “жоқ” деп айтпаймын, ешқашан. Мен ойнауды жалғастырып, белсенді болып тұрғанымда бұл мүмкін емес", – деп келтіреді Суарестің сөзін CentreGoals.

Еске салайық, 2024 жылдың қыркүйегінде уругвайлық футболшы Парагвай құрамасы қарсы өткен қоштасу матчынан (0:0) кейін ұлттық құрамадағы мансабын ресми түрде аяқтаған болатын.

Луис Уругвай тарихындағы ең үздік сұрмерген

Қазіргі таңда Суарес Уругвай құрамасының тарихындағы ең үздік бомбардир болып қала береді — оның еншісінде 143 матчта 69 гол бар. Оның ішінде 29 гол — әлем чемпионаты іріктеу кезеңінде, 22 — жолдастық кездесулерде, 8 — Америка кубогында, 7 — әлем чемпионатының финалдық кезеңдерінде және 3 — Конфедерациялар кубогында соғылған.

Қазіргі уақытта Суарес клубтық мансабын жалғастырып, "Интер Майами" сапында МЛС-те өнер көрсетіп жүр.