Елдос Ахметов: ПСЖ қағаз жүзінде мықтырақ көрінеді

Fonteam YouTube-арнасының кезекті шығарылымында Чемпиондар лигасының финалы алдында превью жасалды.

Подкаст резиденті, Қазақстан ұлттық құрамасы бапкерінің көмекшісі Елдос Ахметов финалдық ойынға өз болжамын жария етті:

"Мен де Әлеке секілді "Арсеналдың" жеңгенін қалаймын. "Арсенал" АПЛ-ді алды, енді Чемпиондар лигасын алса... Бірақ статистикаға сүйенсек, ПСЖ қағаз жүзінде мықтырақ болып тұр. Бірақ доп домалақ, бәрі болуы мүмкін. Стандарттық жағдай шешіп кетуі мүмкін. Бірақ ПСЖ сонда да өзінікін істеп кетеді деп ойлаймын. Есеп қандай болады? ПСЖ бір-екі доп айырмашылығымен жеңеді", – деді Елдос Ахметов.