Елдос Ахметов: "Ақтөбеде" жұмыс істеліп жатқаны көрінуде

Fonteam YouTube-арнасының подкастында Қазақстан Премьер-лигасының бесінші турына шолу жасалды. Подкаст барысында ұлттық құрама бапкерінің көмекшісі Елдос Ахметов "Ақтөбе" – "Каспий" ойынына тоқталып, "қызыл-ақтардың" жаңа бапкері жайлы өз пікірін білдірді:

"Ақтөбе" бапкеріне келетін болсақ, жұмыс істеліп жатыр, көрініп тұр. Ойыншылардың тактикасы өзгертіліп, көп шабуылға көңіл бөлетін болған. Артур Шушеначевтің де қанжығасы майланды. Артур пенальтиден гол соқты, бірақ пенальти 100% әділ болды", - деді Ахметов.

Жас бапкер қонақтардың да ойынына тоқталып кетті:

"Каспийге" келетін болсақ, олар әлі өз ойын таппаған сияқты", - деді маман.