Соңғы аптада Слот үлкен қысымға тап болды. Өткен демалыста "Ливерпуль" Англия Кубогының ширек финалында "Манчестер Ситиден" 0:4 есебімен жеңіліп, бұл маусымдағы 15-ші жеңілісіне ұшырады. Одан кейін команда Чемпиондар лигасында "ПСЖ"-дан да ұтылды. Мұндай нәтижелер жанкүйерлердің наразылығын күшейтті. Алайда олардың Слотты қызметтен босату жөніндегі үміті клубтың америкалық қожайындары мен британдық директорлары — Майкл Эдвардс пен Ричард Хьюздің жоспарымен сәйкес келмейді.

Маусымның сәтсіз өтуіне не себеп?

The Telegraph мәліметінше, клуб басшылығы маусымдағы сәтсіз нәтижелерге әсер еткен бірнеше факторды ескеріп отыр. Олардың қатарында Диогу Жотаның қайтыс болуы және оның командаға тигізген әсері, Мохамед Салахтың ойынының күрт төмендеуі, сондай-ақ құрамдағы ауқымды өзгерістер бар.

Слоттың келісімшарты 2027 жылдың жазына дейін күшінде. Сондықтан клуб басшылығы келісімді ұзарту немесе тоқтату туралы шешімді қабылдамас бұрын, бапкердің келесі маусымды қалай бастайтынын бақыламақ.

Айта кетейік, Слоттың орнына негізгі үміткер ретінде қазір клубсыз жүрген Хаби Алонсо аталып отыр.