"Ливерпуль" Мохамед Салахтың "мұрагерін" тапты

Мерсисайдтықтардың қызығушылық танытып отырған ойыншысы — "Хоффенхаймның" 20 жастағы вингері Базумана Туре. Бұл туралы Bild хабарлады.

Дереккөздің мәліметінше, ағылшын клубының скауттары 31 наурыз күні өткен Шотландия мен Кот-д’Ивуар құрамалары арасындағы матчты тамашалаған. Сол ойында ивуариялық футболшы 90 минут толық алаңда болды. Туреге "Ливерпульден" бөлек "Астон Вилла" клубы да қызығушылық танытып отыр.

Туренің жеке нәтижесі қандай?

Ағымдағы Бундеслига маусымында Туре 24 матч өткізіп, 2 гол соғып, 8 нәтижелі пас берген. Жас шабуылшы "Хоффенхаймның" ең үздік ассистенті. Transfermarkt порталының мәліметіне сәйкес, футболшының нарықтық құны 40 миллион еуроға бағаланады.

21+, «Domina Fortuna (Домина Фортуна)» ЖШС Қазақстан Республикасының Мәдениет және спорт министрлігінің Туризм индустриясы комитеті» РММ 31.08.2021 жылы берген № 21025302 лицензиясы негізінде әрекет етеді.