«Қысымға төтеп беру қиын болады»: «Ақтөбедегі» украиналық футболшы Сәтпаевты Мудрикпен салыстырды

«Бізде «Челси» 70 миллион еуроға сатып алған үлкен талант – Мудрик бар. Жақында Лондонға аттанатын Сәтпаев та үлкен қысымға дайын болуы керек. Оған төтеп беру өте қиын болады. Бірақ Дастан бұған психологиялық тұрғыдан шыдаса, оның қолынан бәрі келеді – бұл үшін оның бойында барлық қажетті қасиеттер бар.

Алайда, біздің БАҚ ол туралы бұған дейін жазған жоқ. Иә, мен Сәтпаевтың балалар деңгейінде бес қарсыласын алдап өткен видеосын көрдім, бірақ осымен бітті. Қазақстанда үлкен талант пайда болса да, бұл әдетте біздің ақпарат кеңістігімізге іліге бермейді. Дастан туралы көбірек ақпаратты осында келгеннен кейін ғана білдім», – деп атап өтті Топалов.

Естеріңізге сала кетейік, қазіргі уақытта Михаил Мудрик допинг-жанжалға байланысты жазасын өтеп жатыр. 2024 жылдың желтоқсанында оның сынамасынан мельдоний табылғандықтан, «Челсидің» украиналық вингері кем дегенде 2026 жылдың қарашасына дейін футболдан шеттетілді.

Айта кетейік, Дастан Сәтпаевтың голы ҚПЛ-дың екінші турындағы орталық матчта «Қайратқа» «Ақтөбе» (1:0) үстінен жеңіс әкелген болатын. Бес турдан кейін алматылықтар еншісіндегі 11 ұпаймен турнир кестесінің бірінші сатысын «Елімай» және «Оқжетпеспен» бөлісіп тұр. Ал «Ақтөбе» тоғызыншы орынға жайғасты.

21+, «Domina Fortuna (Домина Фортуна)» ЖШС Қазақстан Республикасының Мәдениет және спорт министрлігінің Туризм индустриясы комитеті» РММ 31.08.2021 жылы берген № 21025302 лицензиясы негізінде әрекет етеді.