«Жеңістің» бұрынғы бас бапкері ҚПЛ-ға қайта оралуы мүмкін

Украиналық маман Андрей Демченконың агенті Мамука Ломидзе ASnews.kz сайтына берген сұхбатында бапкердің Қазақстан Премьер-лигасына қайта келу ықтималдығы туралы пікір білдірді.

«Біз бірнеше клубпен келіссөз жүргіздік. Алайда жоғары орындар үшін таласып, еурокубоктарда өнер көрсетуді мақсат ететін жақсы жоба күтіп отырмыз. Сондықтан асығуға еш себеп жоқ, әзірге барлық нұсқа қарастырылып жатыр», – деді Ломидзе.

Андрей Демченко әзербайжандық «Араз» клубынан кетті. Оның жетекшілігімен команда ел чемпионатын алтыншы орында аяқтады.

49 жастағы украиналық маман 2025 жылы «Жеңісті» жаттықтырған. Оның басшылығымен астаналық клуб 17 матчтың 8-де жеңіске жетіп, 6 рет тең ойнап, небәрі 3-де жеңіліс тапты.

21+, «Domina Fortuna (Домина Фортуна)» ЖШС Қазақстан Республикасының Мәдениет және спорт министрлігінің Туризм индустриясы комитеті» РММ 31.08.2021 жылы берген № 21025302 лицензиясы негізінде әрекет етеді.