Армениялық журналист: Қазақстанмен болатын матч жайлы: кем дегенде бір ойында жеңуіміз керек

Команданың қазіргі жағдайы мен алдағы матчтардағы міндеттері туралы:

«Наурыз айымен салыстырғанда, бұл жолы екі жолдастық матч өткізу мүмкіндігіне ие болғанымыз көңіл қуантады. Беларусь құрамасына қарсы өткен ойында Армения жаман көрінген жоқ, тіпті қауіпті сәттерді көбірек жасады. Алайда жекелеген қателіктердің кесірінен жеңіліп қалды. Әрине, құрамда белгілі бір эксперименттер жасалады, бірақ бізге алдағы екі кездесудің кем дегенде біреуінде міндетті түрде жеңіске жету керек. Соңғы уақытта команда тек бір рет қана жеңіске жетті».

Құрамдағы шығындар мен көшбасшылар туралы:

«Басты мәселе – негізгі ойыншылардың жоқтығы. Бұл оқу-жаттығу жиынында қорғаушылар Мурадян, Мкртчян, Амбарцумян, жартылай қорғаушылар Иву мен Бичахчян, сондай-ақ шабуылшы Герагусян жоқ. Бірақ жақсы жаңалық – команда капитаны әрі көшбасшысы Эдуард Сперцян қатарға қосылды және ойнауға дайын».

Буын алмасу мен тактика жайында:

«Армения құрамасында буын алмасу үдерісі қарқынды жүріп жатыр. Команданың көп жылдар бойы көшбасшысы болған бірқатар футболшылар енді ұлттық құрамада жоқ. Біз бұдан былай Вараздат Ароянды, Лукас Селараянды және Тигран Барсегянды ұлттық құрама сапында көрмейміз. Тактикаға келсек, Беларусьпен өткен ойында бас бапкер 4-2-3-1 жүйесін сынап көрді. Дегенмен біздің негізгі тактикалық жүйеміз бұрынғыдай 3-4-3 болып қала береді», – деді Абелян.

6 маусым күні Қазақстан құрамасы Ереванда Арменияға қарсы жолдастық матч өткізеді. Осы кездесуден кейін қазақстандық футболшылар сырт алаңда Венгрия құрамасымен кездеседі.

21+, «Domina Fortuna (Домина Фортуна)» ЖШС Қазақстан Республикасының Мәдениет және спорт министрлігінің Туризм индустриясы комитеті» РММ 31.08.2021 жылы берген № 21025302 лицензиясы негізінде әрекет етеді.