Чемпиондар лигасы-2025/26 маусымының үздік ойыншысы белгілі болды

Грузиялық футболшы париждіктердің жеңісті маусымындағы басты қаһармандардың біріне айналып, клубтың қатарынан екінші «ушастыйды» жеңіп алуында маңызды рөл атқарды.

Биылғы Чемпиондар лигасы маусымында Кварацхелия 10 гол соқты. Оның жетеуі плей-офф кезеңінде тіркелді.

Сонымен қатар Хвича ПСЖ клубының Чемпиондар лигасындағы бір маусымдағы гол саны бойынша рекордын қайталады. Бұған дейін мұндай көрсеткішке соңғы рет Златан Ибрагимович 2015/16 жылғы маусымда қол жеткізген еді.

Жалпы осы маусымда грузиялық вингер барлық турнирде ПСЖ сапында 48 матч өткізіп, 19 гол мен 11 нәтижелі пас авторы атанды.

Transfermarkt порталының мәліметінше, футболшының қазіргі нарықтық бағасы 90 миллион еуроны құрайды.

Еске салайық, Чемпиондар лигасының финалында ПСЖ «Арсеналды» жеңді. Негізгі уақыт 1:1 есебімен аяқталып, пенальти сериясында париждіктер 4:3 есебімен басым түсті.

21+, «Domina Fortuna (Домина Фортуна)» ЖШС Қазақстан Республикасының Мәдениет және спорт министрлігінің Туризм индустриясы комитеті» РММ 31.08.2021 жылы берген № 21025302 лицензиясы негізінде әрекет етеді.