«Қайсар» қақпашысы «Қайратқа» қарсы ойындағы сәттіліктің құпиясымен бөлісті

«Команда соңына дейін ойнады. Жігіттер өте риза. Әр допқа таласып, жүгірді. Қазір ұжымда көңіл-күй өте жоғары. Алла қаласа, осы қарқынмен алға жылжимыз. «Тобылға» қарсы да жақсы ойын көрсеттік. Қақпаны қалай құрғақ ұстадық? Қорғаушылар өте мықты ойнады, жартылай қорғаушылар да жақсы өнер көрсетті.

Барлығы осы атмосферадан ләззат алды. Біз бәріміз жақсы нәтиже көрсетуді қаладық. Бұл бірінші минуттан-ақ байқалды, біз үздік нәтиже үшін күрестік. Жеңіске жету мақсатымыз еді, бірақ менің ойымша, бұл жерден бір ұпай алу үш ұпаймен тең», – деп пікір білдірді Ковач.

ҚПЛ-да бір-бірімен бетпе-бет шығу жиі кездеседі

Словакиялық легионер сонымен қатар, ҚПЛ-да шетелдік қақпашы үшін қандай қиындықтар бар екенін басқа елдердің лигаларымен салыстыра отырып жеткізді.

«Мұнда, чемпионатта қақпашылар жиі-жиі бір-бірімен бетпе-бет қалады. Сол сәттерде көп гол өткізіп жатады. Міне, осы тұста басқа чемпионаттардан айырмашылық байқалады. Мысалы, Кипрде алыстан соққылар көп. Ал мұнда, барлығы айып алаңына кіріп, гол салуға тырысады. Шынымды айтсам, көп командалар осылай гол соғып жатады. Соңғы ойындарда да биік, бойшаң ойыншыларға қарсы ойнадық, бұрыштамалар да көп болды», – деп түсіндірді словакиялық қақпашы.

Артур Ковач «Қайсарға» ауысқанға дейін Кипр мен Тәжікстанның әртүрлі клубтарының намысын қорғаған. Өткен маусымның қорытындысы бойынша ол Тәжікстан чемпионатының үздік қақпашысы атанған.

Сондай-ақ ол өз алдына мақсат қойғанын айтты: кем дегенде Қазақстан Кубогының финалына шығу, әрі кеткенде оны жеңіп алу.

Ковачтың ойыны ҚПЛ турнир кестесіне қалай әсер етті

Еске салайық, Алматыда өткен 11-тур матчында «Қайрат» пен «Қайсар» 0:0 есебімен тең түсті. Артур Ковач матч бойы – 90 минут бойы чемпиондардың үнемі жасаған шабуылдарын қайтарып, бес рет сейв жасап, қақпасын аман сақтап қалды, осылайша «дала қасқырларының» Алматыдан бір ұпаймен қайтуына мүмкіндік берді.

Осы нәтижеден кейін алматылық клуб 26 ұпаймен турнир кестесінің басында тұр, бірақ жоғалтқан ұпайлар бойынша «Ордабасыдан» қалып келеді. «Қайсар» 10 ұпай жинап, 12-орында орналасқан.

21+, «Domina Fortuna (Домина Фортуна)» ЖШС Қазақстан Республикасының Мәдениет және спорт министрлігінің Туризм индустриясы комитеті» РММ 31.08.2021 жылы берген № 21025302 лицензиясы негізінде әрекет етеді.