«Қайсардың» негізгі қорғаушысы жарақат алды

«Қайсардың» ресейлік қорғаушысы Амир Мохаммад тобық жарақатына байланысты біраз уақытқа қатардан шықты.

«Анжи» (Махачкала) клубының бұрынғы ойыншысы Қазақстан кубогының 1/4 финалындағы «Тобылға» қарсы кездесуде (1:1, пенальтиден 5:3) жарақат алған. Ойынның 93-минутында ол Наурызбек Жагоровтың айып алаңына асырған пасын тоқтатамын деп жерге дұрыс түспей, тобығын зақымдап алыпты.

Легионер екі аптаға дейін алаңға шыға алмауы мүмкін. Сонымен қатар, команда ойыншыларының шаршағаны да байқалады: «Қасқырлар» 25 сәуірден бері жеті матч өткізіп, бірде-бір рет төрт күннен артық демалмаған.

Амир Мохаммад «Қайсар» сапына биыл ақпанда қосылды. Бұған дейін ол «Химки» мен «Балтика» клубтарында ойнап, Ресейдің бірінші лигасында екі мәрте чемпион атанған.

21+, «Domina Fortuna (Домина Фортуна)» ЖШС Қазақстан Республикасының Мәдениет және спорт министрлігінің Туризм индустриясы комитеті» РММ 31.08.2021 жылы берген № 21025302 лицензиясы негізінде әрекет етеді.