Мадридтік «Реал» Жозе Моуриньюдің даулы түрде қайта оралуына өте жақын.
Испаниялық As басылымының мәліметінше, клуб португалиялық маманмен әріптестік жөнінде ауызша келісімге келген.
Тараптар арасындағы мәміленің барлық егжей-тегжейі келісілді, ал бүгінгі Португалия чемпионаты аясындағы «Эшторилге» қарсы ойын Моуриньюдің «Бенфика» басындағы соңғы матчы болмақ.
Маусым аяқталғаннан кейін мадридтік клуб жаттықтырушы келісімшартын мерзімінен бұрын бұзғаны үшін лиссабондықтарға 3 миллион еуро өтемақы төлейді.
«Бенфиканің» өзінде Жозеге лайықты алмастырушы табылып үлгерді. Команданың жаңа бас бапкері ағылшындық «Фулхэмнің» қазіргі жаттықтырушысы Марку Силва болады деп күтілуде.
Бұл Моуринью үшін «Реалға» көп жылдан кейінгі қайта оралуы болмақ. Бұған дейін португалиялық маман мадридтік клубты баптап, командамен бірге Испания чемпионатын, ел Кубогын және Суперкубокты жеңіп алған еді.