Джейми Варди мансабын Қазақстанда жалғастыруы ықтимал

Ағылшын шабуылшысы Джейми Варди Қазақстан Премьер-Лигасының бір клубының қызығушылық таныту аймағына түсті, деп хабарлайды AmanVIBE.

«Менің мәліметім бойынша, 39 жастағы шабуылшыны биыл чемпиондық үшін белсенді күресіп жатқан және шабуыл шебін күшейткісі келетін команда қарастыруда.

Қазіргі таңда тәжірибелі форвард Кремонезе клубында өнер көрсетеді. Осы маусымда ол 25 матч өткізіп, бес гол соқты. Оның италиялық клубпен келісімшарты осы жазда аяқталады, бұл ықтимал трансферді одан әрі қызықты ете түседі», — деп жазады дереккөз.

Еске сала кетейік, Джейми Варди Лестер Сити сапында өнер көрсетіп, 2016 жылы Англия Премьер-Лигасының сенсациялық чемпионы атану арқылы кеңінен танымал болды.