"Атырау" өз алаңында "Алтайдан" басым түсті

«Атырау» мен өскемендік «Алтай» Қазақстан Премьер-Лигасының сегізінші туры аясында кездесті.

Ойын «Түркістан Арена» стадионында өтті. Матчты тараздық төреші Сәкен Байымбет бастаған төрешілер бригадасы басқарды.

Командалардың бастапқы құрамдары: «Атырау»: Тохтаров, Калмуратов, Юденков, Сатанов, Ткаченко, Нойок, Джуматов, Рабиу, Абдулла, Девенс, Дорофеев;

«Алтай»: Коновалов, Шмидт, Кенжегулов, Мичевич, Одеоибо, Иванов, Джамбор, Назымханов, Дадаев, Попов, Митрофанов.

Ойын тең дәрежеде өтті. Бірінші таймда есепті «мұнайшылар» ашты — Энрике Девенс қақпашымен бетпе-бет шығып, мүмкіндігін сәтті пайдаланды. Екінші таймда бастама қонақтар жағында болды, алайда олар гол соға алмады. 84-минутта Риливан Рабиу алаңнан қуылғанына қарамастан, алаң иелері жеңісті сақтап қалды — 1:0.

Осылайша, «Атыраудың» еншісінде 10 ұпай болып, турнир кестесінің ортасында тұр. Ал «Алтай» 4 ұпаймен төменгі аймақта қалып отыр.

«Атырау» — «Алтай» 1:0 (1:0)

Гол: Девенс 31 (1:0)

Қызыл қағаз: Рабиу 84.