Эдмилсон "Қайратқа" жеңіс сыйлады

Павлодарлық «Ертіс» пен алматылық «Қайрат» Қазақстан Премьер-Лигасының сегізінші туры аясында кездесті.

Ойын елордадағы «Астана Арена» стадионында өтті. Кездесуге астаналық Саят Қарабаев бастаған төрешілер бригадасы қазылық етті.

Командалардың бастапқы құрамдары төмендегідей болды:

«Ертіс»: Ботнарь, Төлеуов, Биток, Ибрагим, Нечаев, Оматай, Климович, Жарынбетов, По, Швырев, Седько;

«Қайрат»: Анарбеков, Мата, Мартынович, Африко, Мрынский, Оксанен, Байбек, Юккола, Жоржиньо, Сатпаев, Эдмилсон.

Темірлан Анарбеков қорғаған қақпа маңында қауіпті сәттер көп болғанына қарамастан, бірінші таймда жалғыз голды Ойва Юккола соқты. Екінші таймның басында павлодарлықтар есепті теңестіруге тырысты, бірақ нәтижеге жете алмады. Кейін ойын теңесіп, артынша чемпион команда бастаманы өз қолына алып, матчты минималды есеппен жеңіспен аяқтады — 1:0.

Енді «Қайраттың» еншісінде 18 ұпай бар және ол турнирлік кестеде жеке дара көш бастап тұр. Ал «Ертіс» алты ұпаймен 12-орында орналасқан.

«Ертіс» — «Қайрат» 0:1 (0:1)

Гол: Юккола 25 (0:1).