"Жетісу" кезекті жеңісіне қол жеткізді

Талдықорғанның «Жетісу» командасы мен Жезқазғанның «Ұлытау» клубы Қазақстан Премьер-Лигасының жетінші туры аясында кездесті.

Матч Алматы қаласындағы «Хан-Тәңірі» стадионында өтті. Кездесуді тараздық төреші Сәкен Байымбет бастаған төрешілер бригадасы басқарды.

Бастапқы құрамдар төмендегідей болды:

«Жетісу»: Сикач, Балтабеков, Орынбасар, Пайович, Кашкен, Добай, Мосиашвили, Адахаджиев, Мужиков, Абзалов, Ануарбеков;

«Ұлытау»: Непогодов, Кейлер, Бухал, Бугулов, Малиқайдар, Бугнон, Таубай, Киши, Харада, Данияров, Смит.

Командалар ұзақ уақыт қауіпті сәттерді көп жасай алмады. Тек бірінші таймның қосымша уақытында Нұрбол Ануарбеков айып алаңының ортасынан есеп ашты. Екінші таймның басында Әділхан Добай қақпашымен жеке-дара шығып, есепті еселей түсті. Ал Хироки Харада айып алаңы сызығынан соққы жасап, допты көлденең тірекке тигізді — 2:0.

Осылайша, «Жетісу» мен «Ұлытау» 11 ұпайдан жинап, турнирлік кестенің жоғарғы бөлігінде тұр.

«Жетісу» — «Ұлытау» 2:0 (1:0)

Голдар: Ануарбеков 45+1 (1:0), Добай 49 (2:0).

21+, «Domina Fortuna (Домина Фортуна)» ЖШС Қазақстан Республикасының Мәдениет және спорт министрлігінің Туризм индустриясы комитеті» РММ 31.08.2021 жылы берген № 21025302 лицензиясы негізінде әрекет етеді.