Ямаль маусымнан тыс қалды: «Барселона» жұлдызы жарақат алды

«Барселонаның» қанаттағы шабуылшысы Ламин Ямаль Испания чемпионатының 33-туры аясында «Сельтаға» қарсы өткен матчта (1:0) жарақат алды. Испаниялық вингер санның артқы бұлшықетін (подколенное сухожилие) зақымдап, ағымдағы маусымда енді алаңға шықпайды. Бұл туралы каталондық клубтың баспасөз қызметі ресми түрде мәлімдеді.

Хабарламада Ямаль 2026 жылғы әлем чемпионатына дейін толық қалпына келуі тиіс екені атап өтілген.

«Тексерулер негізгі құрам ойыншысы Ламин Ямальдың сол аяғындағы санның артқы бұлшықетіне зақым келгенін растады. Ойыншы консервативті ем қабылдайды. Ямаль маусымның қалған бөлігін өткізіп алады, бірақ оның әлем чемпионатына қатысуы күтілуде», — делінген «көкшіл-анарлылардың» баспасөз қызметінің мәлімдемесінде.