"Манчестер Юнайтед" Каземироны алмастыратын ойыншы тапты

Манчестер Юнайтед Реал Мадрид жартылай қорғаушысы Эдуарду Камавинга трансферіне қызығушылық танытып отыр.

Ағылшын клубы 23 жастағы французды ақпанда 34 жасқа толған бразилиялық тірек жартылай қорғаушы Каземиро орнына лайықты мұрагер ретінде қарастыруда. Күтілгендей, «МЮ» Камавинганы осы жазда сатып алуға тырысады, өйткені оның «Реалдағы» жағдайы тұрақсыз.

Transfermarkt.de порталы Эдуарду Камавинга құнын 50 миллион еуроға бағалап отыр. Оның «Реалмен» келісімшарты 2029 жылға дейін жарамды. Осы маусымда француз жартылай қорғаушысы клуб сапында барлық турнирде 37 матч өткізіп, екі гол соғып, бір нәтижелі пас берген.

Ал Каземиро осы маусымда Манчестер Юнайтед сапында 32 матч өткізіп, сегіз гол соғып, екі нәтижелі пас авторы атанды.