"Бавария" 35 рет Германия чемпионы атанды

Бавария Германия Бундеслигасының 30-туры аясында Штутгарт командасын 4:2 есебімен жеңіп, өз тарихында 35-рет Германия чемпионы атанды. Бұл — ұлттық рекорд.

Осы жеңістен кейін Бавария 79 ұпаймен Бундеслига турнир кестесінің көшін бастап тұр. Қалған матчтарда мюнхендік клуб Майнц 05 (25 сәуір), Хайденхайм (2 мамыр), Вольфсбург (9 мамыр) және Кёльн (16 мамыр) командаларымен кездеседі. Қазіргі таңда «Баварияның» еншісінде 25 жеңіс, төрт тең ойын және бір жеңіліс бар.

Турнир кестесінде екінші орында 64 ұпаймен Боруссия Дортмунд орналасқан, ал үздік үштікті 59 ұпаймен РБ Лейпциг түйіндеп тұр.