"Ертіс" – "Жетісу" матчының тағдыры соңғы минутта шешілді

Матч Орталық стадионда өтті. Кездесуге Өскемен қаласынан келген төреші Александр Затула бастаған төрешілер бригадасы қызмет етті.

Командалардың бастапқы құрамдары: «Ертіс»: Ботнарь, Биток, Мбодж, Фард, Нечаев, Шимамура, Климович, Жарынбетов, Агиманов, Швырев, Седько; «Жетісу»: Сикач, Балтабеков, Орынбасар, Пайович, Кашкен, Добай, Мосиашвили, Адахаджиев, Мужиков, Абзалов, Ануарбеков.

Кездесудің 6-минутында Адам Адахаджиев алыстан соққы жасап, есеп ашты. Одан кейін алаң иелері бастаманы өз қолына алса, қонақтар қарсы шабуылдар арқылы тағы да гол соғуға тырысты. Екінші таймда Асхат Балтабеков өз айып алаңында қолмен ойнап қойып, Павел Седько пенальтиден есепті теңестірді. Ал 96-минутта бұрыштамадан кейін Марко Зиванович «Жетісуға» жеңіс сыйлады — 2:1.

Осылайша, «Жетісу» сегіз ұпай жинаса, «Ертісте» алты ұпай қалды. Екі команда да турнирлік кестенің ортасында тұр.

«Ертіс» — «Жетісу» 1:2 (0:1)

Голдар: Адахаджиев 6 (0:1), Седько (пенальтиден) 56 (1:1), Зиванович 90+6 (1:2).