Мақалалар
Fonbet
KZ RU
Платформа қалай жұмыс істейді

Резиденттер матчтарға болжам жасайды, жүйе нәтиже шыққанда болжамды өзі есептейді. Ұпай мен пайда резиденттің бетінде жиналады.

Лентада кез келген қатысушы жаза алады, «@» арқылы резидентті белгілеуге болады.

Резиденттер рейтингі Болжамдар лентасы

Жақын матчтар

«Қиын ойын күтіп тұр»: Владимир Вайсс – Қазақстанға қарсы матч туралы

Ұлттар лигасының соңғы туры аясында ұлттық құрама ертең Словакияны өз алаңында қабылдайды.

Fonteam редактор
Автор ·
2 минут оқу
«Қиын ойын күтіп тұр»: Владимир Вайсс – Қазақстанға қарсы матч туралы
Сурет: ашық дереккөздерден

Словакия ұлттық құрамасының бас бапкері Владимир Вайсс Ұлттар лигасының алтыншы туры аясындағы Қазақстан командасына қарсы кездесуден не күтетінін айтты:

«Мен мұнда үш жылға жуық жұмыс істедім, сондықтан қазақстандық команданың жартысына жуығын жақсы білемін. Көптеген жігіттер клубтық деңгейде – алматылық «Қайратта» менің қол астымнан өтті. Сондықтан «Қайратты» жаттықтырған кезде бірге жұмыс істеген Исламхан, Қуат және басқа да футболшылардың қабілетін жақсы білемін. Екінші жағынан, талантты футболшылар көп – қазақ футболының жақсы буыны өсіп шықты. Соңғы он жылда Қазақстанда футбол деңгейі көтерілді – бұл анық байқалады. Елдеріңізге қайта оралғаныма қуаныштымын, өйткені үш жыл ішінде бұл ел маған өте көп нәрсе берді.

Ертең бізді қиын ойын күтіп тұр деп ойлаймын, себебі Қазақстан жетістікке жеткісі келеді, өйткені топта әлі жеңіске жеткен жоқ. Біз топта бірінші орын алсақ та, бұл кездесу жолдастық матч сияқты болмайды – біз де ұпай алғымыз келеді», – деді Вайсс.

Еске сала кетейік, 13 қарашада Қазақстан құрамасы Ұлттар лигасының бесінші турында сырт алаңда Молдоваға есе жіберіп (1:2), екі ұпаймен C3 тобында соңғы, төртінші орында тұр.

Өз кезегінде, 11 ұпай жинаған Словакия командасы төрттікте сенімді көш бастап тұр және B дивизионына жолдаманы қамтамасыз етіп қойды. Турнир аясындағы Қазақстан мен Словакия құрамалары арасындағы қорытынды матч ертең, 16 қарашада «Астана Арена» стадионында өтеді – ойын Астана уақытымен сағат 20:00-де басталады.

21+, «Domina Fortuna (Домина Фортуна)» ЖШС Қазақстан Республикасының Мәдениет және спорт министрлігінің Туризм индустриясы комитеті» РММ 31.08.2021 жылы берген № 21025302 лицензиясы негізінде әрекет етеді.

Пікірлер (0)

Қазақстан Республикасының Мәдениет және ақпарат министрлігі 03.03.2025 ж. № KZ93VPY00113785 тіркеу куәлігін берді.

© 2026 «Fonteam» ақпарат агенттігі. Барлық құқықтары қорғалған. Кез келген материалды көшіріп жариялау кезде Fonteam.kz сайтына тікелей сілтеме жасалуы тиіс.

21+. Fonbet — «Domina Fortuna (Домина Фортуна)» ЖШС, 31.08.2021 ж. берілген № 21025302 лицензия. Заңды мекенжайы: Қазақстан Республикасы, Ақмола облысы, Бурабай ауданы, Щучинск қ.ә., Щучинск қ., Санаторий Светлый көшесі, 11-үй. Сайт: fonbet.kz