Қазақстан Әзербайжанды екінші ойында да жеңе алды

Какау алаңға мына құрамды шығарды: Игита, Эдсон, Карменов, Ақбаликов, Оразов — Затыбеков, Кнауб, Дарибай, Валиуллин, Рашит, Абдуманапулы, Мадияров, Қайырбай, Дерябин.

Алаң иелері ойынды асықпай бастады. Есеп 14-минутта Азат Валиуллиннің голымен ашылды, бір минуттан кейін оны Ульви Алиев теңестірді. Қазақстанды алға шығарған Альберт Ақбаликов (17-минут) болса, оған Адалат Алакбаров (18-минут) жауап берді. Бірінші тайм 2:2 есебімен аяқталды.

Екінші таймда Альберт Ақбаликов (28-минут) дубль авторы атанды, ал ойынның нүктесін Дамир Қайырбай (33-минут) қойды — 4:2.

Айта кетейік, командалар арасындағы алғашқы матчта Қазақстан 9:2 есебімен жеңіске жеткен болатын. Ол ойында дубльдерді Биржан Оразов пен Агедиль Мадияров жасады, сондай-ақ Лео Игита, Абдирасул Абдуманапулы, Альберт Ақбаликов, Ақжол Дарибай және Арнольд Кнауб бір-бір голдан соқты.

Футзалдан ФИФА рейтингінде Қазақстан 9-орында, ал Әзербайжан 53-орында тұр.

21+, «Domina Fortuna (Домина Фортуна)» ЖШС Қазақстан Республикасының Мәдениет және спорт министрлігінің Туризм индустриясы комитеті» РММ 31.08.2021 жылы берген № 21025302 лицензиясы негізінде әрекет етеді.