Қазақстан құрамасы Ұлттар лигасының матчына қатысу үшін Фарер аралдарына келді

Ұлттық құраманың футболшылары мен бапкерлер штабы Астанадан бүгін, 25 қыркүйек күні таңертең ұшып шықты. Команда Фарер аралдарына SCAT әуекомпаниясының чартерлік рейсімен келді. Тікелей ұшу жеті сағаттан сәл астам уақытты алды.

Бүгін кешке Джон ван’т Схиптің шәкірттері ойын алдындағы жаттығуын өткізеді. Ертең, 26 қыркүйекте ұлттық команда Ұлттар лигасының С дивизионында Торсхавнда Фарер аралдары құрамасына қарсы матчпен жарысты бастайды.

Еске сала кетейік, бастапқыда құраманың ұшуы 24 қыркүйекке жоспарланған болатын, алайда аралдардағы қатты дауылға байланысты сол күні Вагарға және кері бағытта ұшатын барлық рейстер тоқтатылды.

21+, «Domina Fortuna (Домина Фортуна)» ЖШС Қазақстан Республикасының Мәдениет және спорт министрлігінің Туризм индустриясы комитеті» РММ 31.08.2021 жылы берген № 21025302 лицензиясы негізінде әрекет етеді.