Қазақстан құрамасы жолдастық кездесуде Әзербайжанды тас-талқан етті

Какау келесі құрамды алаңға шығарды: Игита, Эдсон, Валиуллин, Карменов, Оразов — Сериков, Кнауб, Дарибай, Акбаликов, Рашит, Абдуманапұлы, Мадияров, Қайрбай, Дерябин.

Ұзақ уақыт бойы қонақтарды қақпашы Джавад Мамедов құтқарып тұрды. Алайда 14-минутта алаң иелерінің капитаны Лео Игита алыстан дәл соққы жасап, есеп ашты. Ізінше бірден Абдирасул Абдуманапұлы (14-минут) мергендік танытты. Новруз Казиханов (16-минут) есеп айырмасын қысқартқанымен, көп ұзамай Альберт Акбаликов (16-минут) қайта ұлғайтты.

Екінші таймда Біржан Оразов (24-минут) есепті ірі қылды. Одан кейін Ақжол Дарибай (30-минут), Агедиль Мадияров (31-минут), дубль авторы атанған Оразов (32-минут), Арнольд Кнауб (33-минут) және тағы бір мәрте гол соққан Мадияров (37-минут) көзге түсті. Соңғы голды Рустамли Октай (38-минут) соқты — 9:2.

Екі команда арасындағы екінші ойын 15 сәуірде өтеді.

Айта кетейік, бұл матч Кака кеткеннен кейін және Какаудың қайта оралуынан соң ұлттық құраманың алғашқы ойыны болды.

21+, «Domina Fortuna (Домина Фортуна)» ЖШС Қазақстан Республикасының Мәдениет және спорт министрлігінің Туризм индустриясы комитеті» РММ 31.08.2021 жылы берген № 21025302 лицензиясы негізінде әрекет етеді.