"Ақтөбе" 95-минутта өз алаңында жеңілістен құтылды

"Ұлытау" үзіліске дейін алға шықты

Кездесудің алғашқы голын ақтөбелік шабуылшы Артур Шушеначев соқты. Бірақ қонақтар үзіліске дейін ойын барысын өзгертіп үлгерді. Бақдәулет Зұлпықаров Котаро Кишидің екі нәтижелі пасын голға айналдырып, дубль авторы атанды.

Осылайша "Ұлытау" бірінші таймнан кейін 2:1 есебімен алда тұрды.

"Ақтөбе" 95-минутта есепті теңестірді

Екінші таймда алаң иелері допқа көбірек иелік етіп, қарсылас қақпасына қысымды күшейтті. Дегенмен ақтөбеліктер ұзақ уақыт бойы қорғанысты бұза алмады.

Матчтың негізгі уақытына қосылған бесінші минутта "Ақтөбе" қажетті голды соғып, жеңілістен құтылды. Кездесу 2:2 есебімен аяқталды.

Осы тең нәтижеден кейін "Ақтөбенің" еншісінде 42 ұпай бар. Команда турнир кестесінде бесінші орында қалды. Ал 32 ұпай жинаған "Ұлытау" чемпионат кестесінің орта тұсында келеді.

21+, «Domina Fortuna (Домина Фортуна)» ЖШС Қазақстан Республикасының Мәдениет және спорт министрлігінің Туризм индустриясы комитеті» РММ 31.08.2021 жылы берген № 21025302 лицензиясы негізінде әрекет етеді.