"Астана" футболшылары бойкот жарияламақ

"Астана" футбол клубында жалақыға байланысты жағдай ушыға түсті. AmanVIBE дерегінше, елордалық команданың ойыншылары берешек өтелмеген жағдайда жаттығулар мен ресми матчтарға қатысудан бас тартуға дайын.

Ойыншылар клубқа мерзім қойған

Дереккөздің мәліметінше, команда футболшылары мұндай шешімді шамамен бір апта бұрын қабылдаған.

"Мендегі ақпарат бойынша, бір апта бұрын команда ойыншылары жаттығулар мен ресми матчтарға қатысудан бас тарту туралы шешім қабылдаған. Егер клуб 7 қыркүйекке дейін бірнеше айдан бері жиналған жалақы қарызын жаппаса, футболшылар бұл жоспарын іске асыруға дайын", – деп жазды дереккөз.

Telegram-дағы жазба

Әзірге клуб тарапынан ойыншылардың ықтимал бойкоты немесе жалақы қарызына қатысты ресми мәлімдеме жасалған жоқ. 

"Астана" турнир кестесінде үшінші орында

Қазақстан Премьер-лигасының қазіргі маусымында Григорий Бабаян командасы 22 матчта 42 ұпай жинады. "Астана" турнир кестесінде үшінші орында келеді.

Елордалық ұжым "Оқжетпеспен" бірге қола жүлдеге талас жүргізуде.

21+, «Domina Fortuna (Домина Фортуна)» ЖШС Қазақстан Республикасының Мәдениет және спорт министрлігінің Туризм индустриясы комитеті» РММ 31.08.2021 жылы берген № 21025302 лицензиясы негізінде әрекет етеді.