Дастан Сәтпаевтың жарақатына қатысты жаңа мәлімет белгілі болды

Оның айтуынша, Сәтпаев Чемпионшиптің алдыңғы турында «Мидлсброға» қарсы матчта тізе асты сіңірін зақымдаған. Қазақстандық футболшының бесінші турдағы «Бристоль Ситиге» қарсы кездесудің өтініміне енбеуіне осы жарақат себеп болуы мүмкін.

«Сәтпаевтың сол ойында тізе асты сіңірін зақымдағанын білдік. Бірақ Трезор мен Эдвардстың қосалқы құрамда болмауы түсініксіз», - деп жазды Монтгомери X әлеуметтік желісінде.

Сәтпаев «Бернлидің» «Бристоль Ситиге» қарсы үйдегі матчын өткізіп алды. Кездесу алаң иелерінің 1:2 есебіндегі жеңілісімен аяқталды.

«Мидлсброға» қарсы ойын

Ал бұған дейінгі турда қазақстандық шабуылшы «Мидлсброға» қарсы негізгі құрамда шығып, алаңда 81 минут өткізді. Ол екі қауіпті соққы жасап, пастарының 94 пайызын дәл жеткізді және матчтың үздік ойыншысы атанды.

Алайда Сәтпаев кездесуді соңына дейін аяқтай алмады. 81-минутта санның артқы бөлігіндегі жайсыздыққа байланысты алмастырылды. Осыдан кейін оның жарақат алғаны туралы алғашқы ақпарат тарады.

Енді британиялық инсайдер мәселе нақты тізе асты сіңіріне қатысты екенін хабарлап отыр. Дегенмен Сәтпаевтың алаңға нақты қашан оралатыны әзірге белгісіз.

«Бернли» клубы жарақаттың деңгейі мен қалпына келу мерзімі туралы ресми ақпарат жариялаған жоқ.

21+, «Domina Fortuna (Домина Фортуна)» ЖШС Қазақстан Республикасының Мәдениет және спорт министрлігінің Туризм индустриясы комитеті» РММ 31.08.2021 жылы берген № 21025302 лицензиясы негізінде әрекет етеді.