"Қайраттың" экс-капитаны 33 жасында мансабын аяқтады

Гуральски жанкүйерлерімен қоштасты

Футболшы мансабын аяқтау туралы шешімін Instagram парақшасында жариялап, спорттағы жолында қолдау көрсеткен жандарға алғыс айтты.

"Кез келген жақсы нәрсенің соңы болады. Бүгін осы тамаша кезеңді ресми түрде қорытындылайтын уақыт келді. Футбол маған Быдгощ қаласында өскен бала кезімде армандағанымнан да көп мүмкіндік сыйлады. Осы жолда жанымнан табылған әрбір адамға шын жүректен алғыс айтамын", — деп жазды Гуральски.

"Қайратпен" Қазақстан чемпионы атанды

Яцек Гуральски алматылық клуб сапында 2020 жылдың қаңтарынан 2022 жылдың маусымына дейін өнер көрсетті. Осы аралықта "Қайратпен" бірге бірнеше маңызды жетістікке жетті:

• 2020 жылы Қазақстан Премьер-лигасының чемпионы атанды;
• 2021 жылы Қазақстан кубогын жеңіп алды;
• УЕФА Конференциялар лигасының топтық кезеңіне шықты.

Польшалық футболшы алаңдағы көшбасшылық қасиетімен ерекшеленіп, "Қайраттың" капитаны қызметін де атқарды.

Германияда ойнап, мансабын Польшада аяқтады

Алматылық командадан кеткеннен кейін Гуральски Германия Бундеслигасында өнер көрсететін "Бохум" клубына ауысты. Кейін отанына оралып, Краковтың "Вечиста" намысын қорғады. Бұл клуб оның кәсіби мансабындағы соңғы команда болды.

Яцек Гуральски Польша құрамасының жейдесін 21 кездесуде киіп, бір гол соқты. Сонымен қатар 2018 жылы Ресейде өткен әлем чемпионатына қатысқан.

21+, «Domina Fortuna (Домина Фортуна)» ЖШС Қазақстан Республикасының Мәдениет және спорт министрлігінің Туризм индустриясы комитеті» РММ 31.08.2021 жылы берген № 21025302 лицензиясы негізінде әрекет етеді.