Асхат Тағыберген «Каспийге» қарсы матчқа қатыспайды

«Тобылдың» тәжірибелі жартылай қорғаушысы Асхат Тағыберген Қазақстан Премьер-лигасының 24-туры аясындағы «Каспийге» қарсы кездесуді өткізіп алады. Бұған футболшының сары қағаздар лимитінен асып кетуі себеп болды. 

36 жастағы футболшы кейінге шегерілген 21-турда «Қайсарға» қарсы өткен матчта ескерту алды. Бұл Тағыбергеннің биылғы чемпионаттағы төртінші сары қағазы болды.

ҚПЛ регламентіне сәйкес, төрт сары қағаз жинаған футболшы келесі матчтан автоматты түрде шеттетіледі. Осылайша, «Тобыл» капитаны сырт алаңда өтетін «Каспийге» қарсы маңызды кездесуде командасына көмектесе алмайды.

Дисквалификация мерзімін өтегеннен кейін Тағыберген келесі турда қайта алаңға шыға алады.

21+, «Domina Fortuna (Домина Фортуна)» ЖШС Қазақстан Республикасының Мәдениет және спорт министрлігінің Туризм индустриясы комитеті» РММ 31.08.2021 жылы берген № 21025302 лицензиясы негізінде әрекет етеді.