УЕФА стандарттарына сай жабық арена: Көкшетаудағы 12-мыңдық стадионның макеті пайда болды

Оны толығымен жабық етіп салу жоспарланған, бұл спорттық және мәдени-көпшілік шараларды жыл бойы өткізуге мүмкіндік береді.

Пайдалануға берілудің болжамды мерзімі – 2027 жылдың желтоқсаны, деп хабарлайды «Дядя Ваня» Telegram-арнасы.

Жобалауды бастамас бұрын жұмыс тобы Амстердам, Осло және Стокгольм қалаларында болып, климаттық жағдайы ұқсас өңірлердегі ареналарды зерделеді. Нәтижесінде жеңіл атлетикалық жолақтары жоқ, УЕФА-ның 4-санаттағы стандарттарына сай жобаланатын жабық кешен салу туралы шешім қабылданды.

Аренаның басты ерекшеліктері мен инфрақұрылымы:

Командалар мен БАҚ үшін жабдықталуы: Стадионда медициналық және оңалту блоктары, жаттығу залы, допинг-бақылау аймақтары, бейнеталдау кабинеті және жеке VAR кабинасы қарастырылады. Журналистер үшін ТВ-студиялар, баспасөз орталығы мен микст-аймақ жабдықталады.

Инновациялық газон: Өлшемі 105 × 68 метр алаңға 12 жылға дейін кепілдігі бар экологиялық GreenFields PUR PT (100% толтырғышсыз) төсемін төсеу жоспарланған.

«Fan Patio» кеңістігі: Саябақ аумағында отбасылар мен жанкүйерлерге арналған, матч күндеріне қатыссыз жұмыс істей алатын ашық демалыс аймағы құрылады.

Тұрақ және көлік: Жоба 2 000-нан астам тұрақ орнын (оның 98-і – электромобильдерге, 196-сы – мүмкіндігі шектеулі жандарға арналған), сондай-ақ көлік ағынын реттеудің арнайы схемасын қамтиды.

Көкшетаудағы жаңа стадионның макетіКөкшетаудағы жаңа стадионның макетіКөкшетаудағы жаңа стадионның макеті

Құрылыс үшін «Сарыарқа» шағынауданындағы «Бурабай» спорт сарайы мен «Kokshe-Arena» көпфункционалды кешеніне көршілес жер телімі бөлінген.

Жоба аясында маңайда жаттығу алаңдары мен «Оқжетпес» футбол клубының негізгі базасын орналастыру мүмкіндігі де қарастырылуда.

Арена тек футбол матчтарына ғана емес, сонымен бірге ірі концерттер, фестивальдер мен жалпықалалық мерекелерді өткізуге де арналған.

21+, «Domina Fortuna (Домина Фортуна)» ЖШС Қазақстан Республикасының Мәдениет және спорт министрлігінің Туризм индустриясы комитеті» РММ 31.08.2021 жылы берген № 21025302 лицензиясы негізінде әрекет етеді.