"Қайрат" Конференция лигасында кімдермен ойнауы мүмкін?

"Қайрат" жеребеде төртінші себетке түседі

GoalKz мәліметінше, "Қайрат" Конференциялар лигасының жеребесінде төртінші себетке орналастырылуы ықтимал.

Алматылық клуб Еуропа лигасының плей-офф кезеңінде "Андерлехттен" алғашқы матчта 0:3 есебімен жеңіліп, қарымта кездесу алдында қиын жағдайға тап болды. Егер қазақстандықтар бельгиялық клубтан өте алмаса, жарысты Конференциялар лигасында жалғастырады.

Жеребе қорытындысында "Қайратқа" Еуропаның бірқатар танымал клубтары түсуі мүмкін.

Ьірінші себеттен ықтимал қарсыластар қатарында:

• "Аталанта" — Италия;
• "Монако" — Франция;
• "Спортинг" — Португалия.

Сонымен қатар болжам бойынша алматылық клубтың ықтимал қарсыластары арасында Англия, Түркия, Әзербайжан және Швейцария командалары да болуы мүмкін.

Ықтимал қарсыластар

Әлеуметтік желіде жарияланған нұсқалардың бірінде "Қайраттың" Конференциялар лигасындағы қарсыластары ретінде мына клубтар аталды:

"Монако", "Брайтон", "Трабзонспор", "Қарабақ" және "Тун". 

Нақты қарсыластар Конференциялар лигасының негізгі кезеңінің жеребесі өткеннен кейін белгілі болады.

"Андерлехтке" қарсы қарымта матч

Еске салайық, Алматыда өткен Еуропа лигасы плей-оффының алғашқы кездесуінде "Қайрат" бельгиялық "Андерлехтке" 0:3 есебімен жол берді.

Алматылық команданың бас бапкері Рафаэль Оразбахтин алғашқы ойыннан кейін пікір білдірген. "Қайраттың" Бельгиядағы кездесуге аралас құраммен баруы мүмкін екені хабарланды.

21+, «Domina Fortuna (Домина Фортуна)» ЖШС Қазақстан Республикасының Мәдениет және спорт министрлігінің Туризм индустриясы комитеті» РММ 31.08.2021 жылы берген № 21025302 лицензиясы негізінде әрекет етеді.