Трамп ФИФА-дағы жанжал аясында Инфантиноны қолдады

«ФИФА қандай да бір себеппен президенті Джанни Инфантиноны ауыстыруды ойласа, бұл – үлкен қателік болар еді. Ол керемет, ол жақында ғана әлем чемпионатын басқарды, ол бұрынғы чемпионаттарға қарағанда төрт есе табысты өтті. Егер Инфантино кетсе, әлем чемпионаттары енді ешқашан сәтті де, табысты да болмайды», – деп жазды Трамп Truth Social желісінде.

Жанжал тарихы

Бұған дейін The Times газеті ФИФА басшысы Джанни Инфантино әлем чемпионатына коммерциялық құқықтардың бір бөлігін жекеменшік инвесторларға сатуды жоспарлап отыр деген ақпарат таратқан. Бұл схема оған ондаған миллион доллар табыс әкелуі мүмкін.

Жоспарда ФИФА-ның басты ерлер мен әйелдер турнирлері – әлем чемпионаты мен клубтық әлем чемпионатын басқаратын компания құру көзделген. Ұйым АҚШ президенті Дональд Трамп әкімшілігіне жақын тұлғалармен кеңескені атап өтілген.

Кейінірек УЕФА, АФК және КОНКАКАФ алдағы реформаларға бір ауыздан бойкот жариялады. Бұл ұйымдар егер өзгерістер қабылданса, турнирлерге қатысудан бас тартатынын мәлімдеді.

Ақыры, ФИФА бұл жоспардан бас тартқаны белгілі болды.

Соған қарамастан, дау мұнымен аяқталған жоқ – УЕФА, АФК және КОНКАКАФ ФИФА-ның қызметін тексеруді талап етті.

21+, «Domina Fortuna (Домина Фортуна)» ЖШС Қазақстан Республикасының Мәдениет және спорт министрлігінің Туризм индустриясы комитеті» РММ 31.08.2021 жылы берген № 21025302 лицензиясы негізінде әрекет етеді.