Рикардиньо «Қайрат» — «Левски» матчындағы фаворитті атады

«Қайраттан» кеткен соң Грекияның «Астерас» клубын толықтырған бразилиялық футболшы үшін бұл оңай таңдау болмағанын, бірақ оның жүрегі «Левскиге» көбірек жақын екенін мойындады:

«Мен екі командаға да ерекше жақынмын, бірақ «Левски» мен үшін айрықша орын алады. «Қайраттың» қатарына қосылуым да, негізінен, «Левскидегі» жетістіктерімнің арқасында мүмкін болды. «Левскиде» ойнау менің алдымда үлкен мүмкіндіктер ашты. Жақында ғана «Қайраттан» кеткендіктен, онда достарым көп, команданың дерлік барлығын танимын.

«Левскиде» мен кеткеннен бері көп ойыншы ауысты, бірақ клубқа және оның жанкүйерлеріне деген ілтипатым әлі де зор. Фаворитті таңдау қиын болмақ, бірақ бұл тамаша матч боларына сенімдімін және қай команда жеңіп, Чемпиондар лигасының келесі кезеңіне өтсе де, қуанышты боламын», — деді Рикардиньо Sportal.bg басылымына берген сұхбатында.

Еске сала кетейік, бұған дейін 11 тамыз күні Түркістанда өтетін «Қайрат» — «Левски» қайтарматчының ресми төрешісі анықталғаны хабарланған еді. Алғашқы кездесу болгарлардың 1:0 есебімен жеңісімен аяқталған болатын.

21+, «Domina Fortuna (Домина Фортуна)» ЖШС Қазақстан Республикасының Мәдениет және спорт министрлігінің Туризм индустриясы комитеті» РММ 31.08.2021 жылы берген № 21025302 лицензиясы негізінде әрекет етеді.