ҚПЛ клубында қаржылай дағдарыс

Команданың ойыншылары мен қызметкерлері бірнеше айдан бері жалақыларын толық көлемде ала алмай келеді.

Қолда бар ақпаратқа сәйкес, клуб басшылығы футболшыларға қаңтар айының жалақысының тек бір бөлігін ғана төлеген. Ал негізгі құрам қызметкерлеріне жыл басынан бері мүлде жалақы берілмеген.

Қаржылық тұрақсыздық ұжым ішіндегі ахуалға да әсер етті: жалақысыз қалған кейбір қызметкерлер клубтан кетуге мәжбүр болды.

Жағдайды инфрақұрылымдық мәселелер де қиындатып отыр: Ақтаудағы «Жас Қанат» стадионы дайын болмағандықтан, «Каспий» өз алаңындағы матчтарын Қызылордада өткізуде. Ал жаттығу процесі басқа қалада — Шымкенттегі БИИК базасында ұйымдастырылған. Ойынға бір күн қалғанда команда автобуспен Қызылордаға жол тартады.

Биыл Премьер-лигаға қайта оралған клуб турнирлік кестеде де қиындық көріп отыр: төрт турдың қорытындысы бойынша «Каспий» үш рет жеңіліп, бір рет тең ойнады. Қазіргі таңда команда турнирлік кестеде 15-орында тұр.

Алғашқы жеңісін «Каспий» Қазақстан Кубогының 1/16 финалында тіркеп, Бірінші лига өкілі «Батыр» клубын жеңді. Келесі матчты команда 12 сәуір күні сырт алаңда «Ақтөбеге» қарсы өткізеді.

21+, «Domina Fortuna (Домина Фортуна)» ЖШС Қазақстан Республикасының Мәдениет және спорт министрлігінің Туризм индустриясы комитеті» РММ 31.08.2021 жылы берген № 21025302 лицензиясы негізінде әрекет етеді.