Моуринью «Реалда» бірнеше қатаң ережелер орнатты

As басылымының мәліметінше, жаңа ережелердің бір бөлігі командалық рухты нығайту мақсатында жасалған. Бұған клуб жариялаған сурет дәлел — барлық ойыншылар мен бапкерлер штабы Валдебебас базасында бірге түскі ас ішіп отыр. Бұған дейін «Реалда» мұндай дәстүр болмаған, ал Моуринью ұжымды біріктірудің тиімді жолы деп санайды.

Португалиялық маман тамақтану мәселесіне де ерекше көңіл бөлді. Бұрын диетолог ұсынған мәзір тек ұсыныс ретінде қабылданса, енді бұл — қатаң талап. Барлығы спорттық нәтижені арттыруға бағытталған, ойыншылардың жеке қалауына мән берілмейді, бірақ әзірге ешкім наразы емес.

Моуринью тәртіп жүйесіне де өзгеріс енгізді. Енді футболшылар жаттығу басталардан бір сағат бұрын базаға келуі тиіс — бұл талаптан португалиялық бапкер мүлде таймайды. Кешіккендерді ақшалай жазаламайды, оның орнына кінәлі ойыншы негізгі топтан бөлек, тренажер залында жеке жаттығады.

Футболшылар клуб базасында да қалпына келуі керек. Бұрын бұл процесте дербестікке жол берілсе, енді жарақаттанған ойыншы жеке жаттықтырушымен жұмыс істесе де, барлығын клуб бақылайды.

21+, «Domina Fortuna (Домина Фортуна)» ЖШС Қазақстан Республикасының Мәдениет және спорт министрлігінің Туризм индустриясы комитеті» РММ 31.08.2021 жылы берген № 21025302 лицензиясы негізінде әрекет етеді.