Ұлттық құрама қорғаушысы екінші рет әке атанады

Дінмұхаммед Қашкен әйелі — қазақстандық әнші, блогер әрі модель Мерей Әбілова. Ерлі-зайыптылар 2023 жылдың наурызында некесін ресми түрде тіркеп, қараша айында Алматыда үйлену тойын өткізген. 2024 жылдың қыркүйегінде олардың алғашқы баласы дүниеге келген. Енді жұп екінші сәбиін күтіп отыр.

Футболшының мансабы

Қашкен 2000 жылдың 4 қаңтарында Алматы қаласында дүниеге келген. Кәсіби мансабын 2016 жылы Астана жүйесінде бастаған. 2020 жылы жалға Қайсар сапында ойнап, сол маусымда АПОЭЛ командасына қарсы Еуропа лигасында дебют жасаған.

Әр жылдары ол Астана және Литваның Жальгирис клубтарында өнер көрсетіп, 2022 жылы Литва чемпионы атанып, ел кубогын жеңіп алған. Сондай-ақ оның қоржынында 2020 жылғы Қазақстан Суперкубогы бар. 2025 жылдың шілдесінен бастап қорғаушы Жетісу сапында ойнап жүр. Клубпен келісімшарты 2026 жылдың соңына дейін жасалған.

2025 жылғы маусымда Қашкен 13 матч өткізіп, 776 минут ойнап, 1 гол соққан.

21+, «Domina Fortuna (Домина Фортуна)» ЖШС Қазақстан Республикасының Мәдениет және спорт министрлігінің Туризм индустриясы комитеті» РММ 31.08.2021 жылы берген № 21025302 лицензиясы негізінде әрекет етеді.