УЕФА, КОНКАКАФ және АФК Инфантиноға ультиматум қойды

The Times: Инфантино қайта сайлауға түссе, ФИФА-ның 143 мүшесі бойкот жариялауы мүмкін

The Times басылымының мәліметінше, УЕФА, КОНКАКАФ және АФК құрамындағы федерациялар (жалпы ФИФА-ның 211 мүшесінің 143-і) Джанни Инфантино президенттікке қайта үміткер болып, қызметінен кетпеген жағдайда әрекет етудің екі ықтимал нұсқасын талқылаған.

Бірінші нұсқа – ФИФА-дан бөлек өз халықаралық турнирлерін ұйымдастыру. Екіншісі – «үкіметтік бойкот» жариялап, ұйымның шешімдерін орындаудан және оның басқару органдарының жұмысына қатысудан бас тарту.

Басылымның дереккөзіне сүйенсек, басты мақсат – Инфантиноның қызметтен кетуіне қол жеткізу. Егер бұл жүзеге аспаса, оған ықпал ету үшін барлық мүмкін тетіктер қолданылмақ.

Сондай-ақ, Инфантиноны қолдайтын федерациялар саны 14-ке дейін азайғаны айтылды. Егер оған қарсы мүшелер қатары көбейсе, олар ФИФА кеңесінің кезектен тыс отырысын шақыруға мүмкіндік алады.

Қазіргі уақытта Инфантиноға қарсы ресми кандидаттар тіркелмеген. Президенттікке үміткерлердің өтініш қабылдау мерзімі 18 қарашада аяқталады. Ал ФИФА президентін сайлау 2027 жылдың наурызында Мароккода өтетін ұйым конгресінде өтеді. Бірінші турда жеңіске жету үшін кандидатқа кемінде 106 дауыс қажет.

21+, «Domina Fortuna (Домина Фортуна)» ЖШС Қазақстан Республикасының Мәдениет және спорт министрлігінің Туризм индустриясы комитеті» РММ 31.08.2021 жылы берген № 21025302 лицензиясы негізінде әрекет етеді.