«Семей» Чемпиондар лигасы қарсаңында Қазақстан құрамасының екі көшбасшысын қатарға қосты

Клуб қос футзалшының ауысқанын әлеуметтік желідегі ресми парақшасы арқылы жариялады. Бұған дейін Оразов пен Тұрсағұлов ұзақ жылдар бойы алматылық «Қайраттың» намысын қорғап, ел ішінде де, халықаралық аренада да көптеген жүлдені жеңіп алған.

«Семей» жаңа ойыншыларын жылы қарсы алып, олардың тәжірибесі мен шеберлігі команданың алдағы жетістіктеріне үлкен үлес қосатынына сенім білдірді.

Біржан Оразов Қазақстан футзалының ең үздік әмбебап ойыншыларының бірі саналады. Ол 2022 жылғы Еуропа чемпионатының үздік сұрмергені атанып, бірнеше маусым бойы ұлттық құраманың негізгі көшбасшыларының қатарында келеді.

Даурен Тұрсағұлов та ел футзалының ең танымал шабуылшыларының бірі. Ол жоғары нәтижелілігімен ерекшеленіп, Қазақстан құрамасының маңызды ойындарында тұрақты түрде шешуші рөл атқарып келеді.

Еске салсақ, 2025/26 жылғы Қазақстан чемпионатының финалында «Қайрат» дәл осы «Семейден» басым түсті. Алматылық клуб шешуші бесінші кездесуде жеңіске жетіп, финалдық серияны 3:2 есебімен өз пайдасына аяқтады. Осылайша «Қайрат» қатарынан екінші рет ел чемпионы атанып, клуб тарихындағы 22-чемпиондық атағын жеңіп алды.

21+, «Domina Fortuna (Домина Фортуна)» ЖШС Қазақстан Республикасының Мәдениет және спорт министрлігінің Туризм индустриясы комитеті» РММ 31.08.2021 жылы берген № 21025302 лицензиясы негізінде әрекет етеді.