Эден Азар үздік дриблерлерді атады: «Марсело тіпті әжетханаға да доппен кіретін»

So Foot басылымына берген сұхбатында «Реал» мен «Челсидің» бұрынғы жұлдызы бразилиялық ойыншылардың техникасын ерекше атап өтті. Оның айтуынша, Роналдиньо, Виллиан, Неймар және Марсело – дриблингтің нағыз шеберлері.

«Марсело әрқашан допты жанынан тастамайтын, тіпті әжетханаға да бірге алып кіретін», – деп әзілдеді бельгиялық.

Азар өзін әрдайым бразилиялықтарға жақын сезінгенін айтады. Тіпті алғашқы электрондық поштасы edeninho10ZZ деп аталған. «Кез келген бразилиялықпен кездескенде, өзімді Азардиньо деп таныстырамын», – дейді ол.

Сонымен қатар, бельгиялық дриблинг шеберлігімен есте қалған Лионель Месси, Арьен Роббен, Рияд Марез бен Хавьер Пасторені де атап өтті. Ал Криштиану Роналду жайлы:

«Ол «Манчестер Юнайтедта» ойнаған кезі ерекше еді. Допты алып жүруі, финттері, пас беруі – бәрі керемет болатын», – деп еске алды Азар.

21+, «Domina Fortuna (Домина Фортуна)» ЖШС Қазақстан Республикасының Мәдениет және спорт министрлігінің Туризм индустриясы комитеті» РММ 31.08.2021 жылы берген № 21025302 лицензиясы негізінде әрекет етеді.