Йозеф Блаттер: «Футбол тым көбейіп кетті, ойыншылар демалмайды»
Оның айтуынша, матчтардың саны шектен тыс көбейіп, бұл ойыншылардың денсаулығына кері әсерін тигізуде.
ФИФА-ның бұрынғы президенті Йозеф Блаттер қазіргі футбол күнтізбесіне сын айтты. Оның айтуынша, матчтардың саны шектен тыс көбейіп, бұл ойыншылардың денсаулығына кері әсерін тигізуде.
– «Футбол Сауд Арабиясына өтіп кетті. Оларға ойынды ұсынды, олар қабылдады. Таңғаларлығы – ФИФА ішінде бұған ешқандай қарсылық жоқ. Футбол тым көбейіп кетті. Бір ойыншылар мен бір клубтар қайта-қайта алаңға шығып, дұрыс демала алмай жүр. Клубтық әлем чемпионаты кезіндегі аптап ыстық денсаулыққа зиян, бұл жол беруге болмайтын нәрсе», – деді Блаттер The Athletic басылымына берген сұхбатында.
Еске салайық, 14 маусым мен 13 шілде аралығында АҚШ-та өткен клубтық әлем чемпионатының жеңімпазы — лондондық «Челси».
