ПСЖ жеңілісті қабылдай алмады ма? Жоао Педро финалдағы қақтығыс туралы пікір білдірді

Клубтық әлем чемпионатының финалында «Челси» ПСЖ-ны 3:0 есебімен сенсациялық түрде жеңіп, титул иеленді. Алайда матч соңында орын алған оқиға көпшіліктің назарын аударды — париждік клубтың бас бапкері Луис Энрике ашуға бой алдырып, «Челси» шабуылшысы Жоао Педроны тамағынан ұстап, итеріп жіберген.

Жоао Педро бұл жағдайға қатысты өз пікірін білдірді:

«Мен Андрей Сантосқа көмектескім келді, өйткені ПСЖ ойыншылары оны қоршап алған еді. Бразилиялық ретінде отандасымды жалғыз қалдыра алмадым. Кейін айналамызға көп адам жиналып, аздап итеріс те болды. Бұл — футболдың бір бөлігі. Меніңше, олар жеңілісті қабылдай алмайды. Бірақ бұл — спорттың табиғаты», – деді футболшы Sportv арнасына берген сұхбатында.

Бұл ойын «Челси» үшін тарихи жеңіс болды — клуб екінші рет клубтық әлем чемпионы атанды. Ал ПСЖ үшін бұл — маусымдағы жалғыз алынбаған трофей.