«Қайрат» капитаны ПСЖ қақпашысымен достығы туралы айтты

Еуропалық клубтық футболдың басты трофейі үшін шешуші айқас 30 мамыр күні Будапешттегі «Пушкаш Аренада» өтеді. Финалда француздық «Пари Сен-Жермен» мен ағылшындық «Арсенал» күш сынасады.

«Лондондық «Арсенал» турнирдің басынан-ақ фавориттердің бірі болған, бұл олардың құрамына да, көрсеткен ойынына да байланысты. Дегенмен, мен жеке өзім Париждік «Пари Сен-Жермен» үшін жанкүйер боламын, себебі онда менің досым Матвей Сафонов ойнайды және Париж клубының футболы ұнайды. Матвеймен әлі де байланыстамыз, оның Қазақстан чемпионатын қадағалап жүргеніне сенімді емеспін, бірақ бізде басқа да әңгімелер бар», – деді Александр Мартынович.

Бұған дейін француз басылымы L’Equipe ПСЖ-ның ресейлік қақпашысы Матвей Сафоновты әлемнің үздік 10 қақпашысы қатарына қосқанын хабарлаған болатын. Айта кетейік, Матвей Сафонов пен Александр Мартынович бұған дейін Ресейдің «Краснодар» клубында бірге ойнаған.

Қызығы, «Арсенал» Чемпиондар лигасының финалына алғаш рет 2005/06 маусымынан бері шығып отыр. 20 жыл бұрын «пушкарлар» шешуші ойында «Барселонаға» жол берген еді. Ал Париждік клуб екінші жыл қатарынан Чемпиондар лигасының финалында ойнап, өз титулын қорғауға тырысады. Финалға Германиядан келген Даниэль Зиберт төрелік етеді.

21+, «Domina Fortuna (Домина Фортуна)» ЖШС Қазақстан Республикасының Мәдениет және спорт министрлігінің Туризм индустриясы комитеті» РММ 31.08.2021 жылы берген № 21025302 лицензиясы негізінде әрекет етеді.