Гави мадридтік «Реал» ойыншыларының төбелесіне қатысты қатаң пікір білдірді

«Барселона» жартылай қорғаушысы Гави күтпеген жерден мадридтік «Реал» ішіндегі даулы жағдайға араласты.

Испаниялық жартылай қорғаушы соңғы күндері еуропалық футболда ең көп талқыланған тақырыптардың біріне айналған Корольдік клубтың» ойыншылары Федерико Вальверде мен Орельен Чууамени арасындағы төбелеске қатысты пікір білдірді.

Гави «Реалдың» шешімін сынға алды

«Барселона» ойыншысы Чуамени жанжалдан кейін де Эль-Класикоға қатысқанына таң қалғанын жеткізді.

«Егер бұл рас болса, жаттықтырушы сені келесі матчқа шығармауы керек еді. Менің ойымша, Чуамениді Эль-Класикода алаңға шығару - қате шешім болды. Бірақ нақты не болғанын білмеймін», – деді Гави.

Вальверде мен Чуамени арасында не болды?

Бұған дейін испан басылымдары «Реал» футболшыларының жаттығу барысында қатты қақтығысып қалғаны туралы хабарлаған еді.

Жергілікті дереккөздердің мәліметінше, әуелгіде сөзге келу тез арада алаңдағы нағыз төбелеске ұласқан. Оларды ажыратуға командаластары мен клуб қызметкерлері араласуға мәжбүр болған.

Кейінірек испан пабликтерінде Федерико Вальверденің ауруханаға барғаны туралы ақпарат тарады. Уругвайлық футболшы француз жартылай қорғаушысымен жанжалдан кейін тігіс салдырғаны айтылды.

21+, «Domina Fortuna (Домина Фортуна)» ЖШС Қазақстан Республикасының Мәдениет және спорт министрлігінің Туризм индустриясы комитеті» РММ 31.08.2021 жылы берген № 21025302 лицензиясы негізінде әрекет етеді.