Белгілі комик – Нани жайлы: Ресейде мүлдем ішімдік ішпейтін

Танымал стендап-комик әрі «Банка» футбол клубының иесі Филипп Воронин ASnews.kz сайтына берген сұхбатында «Ақтөбе» шабуылшысы Луиш Нанидің қазіргі формасы туралы пікір білдірді.

«Шынымды айтсам, Қазақстан кубогындағы Нанидің дубліне мүлдем таңғалған жоқпын. Оның бабында жүргенін, футболдан қалай ләззат алатынын бұрыннан көріп жүрмін — сол кезде-ақ мансабын ерте аяқтағаны байқалған. Луиш міндетті түрде футболға қайта оралуы тиіс еді. Қазір Наниде бәрі жақсы болып жатқанына қуаныштымыз әрі мақтанамыз.

Нани командамен бірге ішімдік ішті ме? Жоқ, нағыз кәсіби ретінде ол өзіне ондай еркіндік бермейтін. Оның үстіне, оны кез-келген деңгейдегі футбол қызықтырады. Тіпті аулада балалар ойнап жатса, соны тоқтап қарап тұратындай әсер қалдырады», – деді Воронин.

39 жастағы португалиялық ойыншы Қазақстан кубогының 1/8 финалында «Елімайға» қарсы матчта (2:1) екі гол соқты. 2025 жылы «Манчестер Юнайтедтің» бұрынғы вингері «Банка» деген медиаклубта өнер көрсеткен.

Келесі кезеңде Штефан Таркович шәкірттері «Алтаймен» кездеседі. Бұл команда «Ұлытауды» (4:3) жеңді. Ал Қазақстан Премьер-лигасында «ақ-қызылдар» тоғызыншы орында келеді.