"Елімай" мен "Астана" матчында төрт гол соғылды

Матч «Астана Арена» стадионында өтті. Кездесуге Өскемен қаласынан келген Александр Затула бастаған төрешілер бригадасы қызмет етті.

Командалардың бастапқы құрамдары: «Елімай»: Стойкович, Габриэль, Жұмаханов, Миладинович, Әширбек, Москера, Оразов, Илич, Березкин, Плакка, Свиридов; «Астана»: Чондрич, Вороговский, Калаица, Қасым, Бартолец, Бейсебеков, Башич, Исламхан, Абраев, Басманов, Томасов.

Кездесудің алғашқы минутында Марин Томасов Владимир Стойковичті алдап өтіп, есеп ашты. Алайда төрт минуттан кейін Әділбек Жұмаханов бұрыштамадан кейін баспен гол соғып, таразы басын теңестірді. Абзал Бейсебеков өз айып алаңында қарсыласын теуіп қалып, Фессу Плакка пенальтиді сәтті орындады — үзіліске командалар 2:1 есебімен кетті. Екінші таймның басында Мақсат Абраев айып алаңы сыртынан алыстағы бұрышқа дәл соққы жасап, есепті теңестірді. Одан кейін де қауіпті сәттер болды, бірақ есеп өзгерген жоқ — 2:2.

Енді «Елімайдың» еншісінде 12 ұпай бар және ол турнир кестесінің көш басында. Ал «Астана» тоғыз ұпаймен алғашқы үштікке жақын тұр.

«Астана» — «Елімай» 2:2 (2:1)

Голдар: Томасов 1 (1:0), Жұмаханов 5 (1:1), Плакка (пенальтиден) 27 (2:1), Абраев 47 (2:2).