ҚПЛ клубы маусым басталған шақта аренасын ауыстырды

Әңгіме павлодарлық «Ертіс» туралы. Мамыр айынан бастап команда қарсыластарын «Астана Арена» стадионында қабылдайды. Көшу себебі — «Орталық» стадиондағы жасанды жабындыны ауыстыру жұмыстары. Әдетте команда үй матчтарын дәл осы аренада өткізетін.

Қазіргі уақытта «Астана Аренада» «Астана» мен «Жеңіс» өнер көрсетіп жүр. Сондай-ақ өз стадионы дайын болмағандықтан, «Елімай» да матчтарын осы жерде өткізуге мәжбүр.

Нысанда ауқымды реконструкция жүргізіліп, оған мемлекеттік бюджеттен шамамен 15 миллиард теңге бөлінген.

Еске салайық, «Ертіс» биылғы маусымда Премьер-лигаға қайта оралды. Бес турдан кейін павлодарлық ұжым алты ұпай жинап, турнирлік кестеде оныншы орында тұр.