Энрике Чемпиондар лигасында «Барселонаны» жеңудің құпиясын ашты

– Бүгін негізгі ойыншылардың бірі Эрнандес болды. Ол сіздің үмітіңізді қаншалықты ақтады?

– Люка Эрнандес секілді тәжірибелі ойыншының осындай матчта сапымызда болуы – үлкен артықшылық екені анық. Ол әлемдегі ең үздік ойыншылардың біріне қарсы жеке бақылауда керемет өнер көрсетті. Барлығын дұрыс жасады. Ямальға еркін ойнауға мүмкіндік бермеді. Бүгін ол тағы да гол соқты және бұған әбден лайық болды. Ол өзінің энергиясы, қуана білуі және позитивті көңіл күй сыйлай алу қабілетінің арқасында команда үшін аса маңызды ойыншы. Мен ол үшін өте қуаныштымын. Командаңыздың орындауындағы тағы бір тамаша матч.

– Қайтадан ірі есеп. «Манчестер Ситиге» қарсы матчтағыдай 4:2. Сіз командаңыздың ілгерілеп келе жатқанын сезесіз бе?

– Команданы тек нәтижелеріне қарап бағалауға болмайды. Мені шын мәнінде не қызықтырады? Команданың алаңда қалай әрекет ете алатыны. Бірінші таймда қорғаныс тұрғысынан өте жақсы ойнадық. Жоғары прессингтің арқасында доптарды көп қайтарып алып, бұдан да көп гол соғуға мүмкіндік жасадық. Екінші таймда қиын сәттерге төтеп бере алатынымызды көрсеттік.

«Барселона» 15 минут бойы басымдық танытқанда, біз қорғанысқа шегінуге мәжбүр болдық. Бірақ біз алаңда болып жатқан жағдайға бейімделе алатын командамыз. Содан кейін қарсы шабуылдар ұйымдастырып, голдар соқтық. Меніңше, бұл біздің қандай команда екенімізді және үнемі бейімделе алу қабілетіміздің қандай екенін анық көрсетеді.

– Команда «Манчестер Сити» мен «Барсаны» осындай ірі еуропалық матчтарда жеңгенде, жасалған жұмыстан ләззат алып, мұндай қарсыластарды жеңгеніңе және жанкүйерлерге сыйлаған қуанышыңа қуануға уақыт бола ма?

– Біз бұл екі топ-командаға – «Ситиге» және «Барселонаға» қарсы ойнап үлгердік. Естеріңізге сала кетейін, былтыр осы кезеңде бізде дәл осындай ұпай болған. Ал соңында тіпті үздік сегіздікке де кіре алмадық. Бұл турнирдің бүкіл ерекшелігі осында. Әрине, осы матч пен қазіргі сәттен ләззат аламыз. Бірақ қазірдің өзінде демалыс күндері «Лионға» қарсы өтетін ойын туралы ойлап, мүмкіндіктеріміз бен амбицияларымызды тағы да дәлелдеуге дайындалып жатырмыз.

Еске сала кетейік, ПСЖ Чемпиондар лигасындағы алты гол соғылған матчта «Барселонаны» 4:2 есебімен жеңді.