"Зенит" Нұралы Әліптің трансферіне тосқауыл қойды

"Нефтчи" Әліпті сатып алғысы келді

Инсайдер Елдар Аманбаевтың мәліметінше "Нефтчи" 26 жастағы орталық қорғаушыны толыққанды трансфер арқылы сатып алу жөнінде "Зенитке" ұсыныс жасаған.

Бірақ ұсынылған шарттар питерлік клубтың басшылығын қанағаттандырмаған. Сонымен қатар "Зенит" қазір қазақстандық футболшымен қоштасуға дайын емес екенін білдірген. Осылайша келіссөздер трансферге ұласпаған.

Әліптің келісімшарты 2028 жылға дейін жарамды

Нұралы Әліп "Зенит" сапында ойнауды жалғастырып жатыр. Оның клубпен келісімшарты 2028 жылдың соңына дейін есептелген.

Ал қорғаушыға қызығушылық танытқан "Нефтчи" Әзербайжан чемпионатының жаңа маусымын сәтті бастаған. Бакулық команда алты матчтың бесеуінде жеңіске жетіп, турнир кестесінде көш бастап тұр.

Әліп "Зенитпен" бірге тоғыз трофей иеленген:

• Ресей чемпионаты – төрт рет;
• Ресей кубогы – бір рет;
• Ресей суперкубогы – төрт рет.

Қазақстандық қорғаушы Ресей кубогының финалында жеңіс голын соғып, командасының жүлде алуына үлес қосқан.

21+, «Domina Fortuna (Домина Фортуна)» ЖШС Қазақстан Республикасының Мәдениет және спорт министрлігінің Туризм индустриясы комитеті» РММ 31.08.2021 жылы берген № 21025302 лицензиясы негізінде әрекет етеді.