2026 жылғы «Алтын допқа» басты үміткер атанған бес футболшы жарияланды

Бұл рейтингке Лионель Месси, Килиан Мбаппе, Ламин Ямаль, Харри Кейн және Родри енді, деп хабарлайды vanguardngr.com сайты.

5. Лионель Месси

39 жастағы аргентиналық жұлдыз әлі де марапатқа басты үміткерлер қатарында. Месси әлем чемпионатындағы өнерімен ерекшеленді – ол сегіз гол соғып, Аргентина құрамасын финалға дейін жеткізді, бірақ команда Испаниядан жеңілді.

MLS-тағы көрсеткіштері «Алтын доп» үшін нағыз күресте жеткіліксіз болар еді, алайда әлемдік додадағы жетістігі оған бұл сыйлықты тоғызыншы рет иеленуге мүмкіндік беріп отыр.

4. Килиан Мбаппе

«Реал» шабуылшысы әлем чемпионатының басты қаһармандарының бірі атанып, турнирдің «Алтын бутса» иегері болды. Мбаппенің еншісінде — әлемдік додадағы 10 гол, бұл нәтижемен ол әлем чемпионаттары тарихындағы үздік сұрмергенге айналды.

Клуб деңгейінде де француз ойыншы жоғары нәтиже көрсетті: 2025/26 маусымында мадридтік клуб үшін 44 матчта 42 гол соқты. Дегенмен, «Реал» маусымды ірі трофейлерсіз аяқтады.

3. Ламин Ямаль

19 жастағы испаниялық ойыншы өзінің алғашқы «Алтын добына» үміткер. Ямаль әлем чемпионатында Испания құрамасының негізгі ойыншыларының біріне айналып, командаға чемпиондық атақты жеңіп алуға көмектесті.

«Барселона» сапында ол нәтижелі маусым өткізді — 24 гол және 18 нәтижелі пас. Сонымен қатар, каталондық клуб Испания чемпионатын қайтадан жеңіп алды.

2. Харри Кейн

«Бавария» шабуылшысы өзінің керемет нәтижелігімен басты үміткерлердің бірі болып отыр. 2025/26 маусымында Англия құрамасының капитаны мюнхендік клуб үшін 51 ойында 61 гол соқты.

Кейн «Баварияға» Германия чемпионаты мен ел кубогында дубль жасауға көмектесіп, Еуропаның «Алтын бутса» иегері атанды. Әлем чемпионатында ол алты гол салып, Англия үшінші орын алды.

1. Родри

Рейтингтің басты фавориті ретінде Испания құрамасының жартылай қорғаушысы Родри танылды. Ол әлем чемпионатында командасының негізгі ойыншыларының бірі болып, турнирде жеңіске жетті және үздік футболшы ретінде «Алтын допты» алды.

Родри орталық жартылай қорғаушы ретіндегі шеберлігімен командаға тепе-теңдік пен допты алға жылжытуда маңызды рөл атқарды. Маусымның басты халықаралық турниріндегі табысты ойыны оның мансабында екінші «Алтын допқа» қол жеткізу мүмкіндігін айтарлықтай арттырды.

21+, «Domina Fortuna (Домина Фортуна)» ЖШС Қазақстан Республикасының Мәдениет және спорт министрлігінің Туризм индустриясы комитеті» РММ 31.08.2021 жылы берген № 21025302 лицензиясы негізінде әрекет етеді.