Дастан Сәтпаев "Бернли" сапында дебют жасауға жақын

Клубтың баспасөз қызметі негізгі құрамның стадионға келген сәтін әлеуметтік желіде жариялады. Кадрлардан қазақстандық футболшыны да көруге болады. Сонымен қатар "Бернлидің" ресми парақшасында Сәтпаевтың 12-нөмірлі жейдесінің суреті жарияланды.

Матчты қосалқы құрамда бастайды

"Бернлидің" бас бапкері Ники Хайен "Вест Бромвичке" қарсы ойынға өтінімді жариялап, Дастан Сәтпаевты қосалқы құрамға енгізді. Осыған байланысты қазақстандық шабуылшының бүгін алаңға шығып, Чемпионшиптегі алғашқы матчын өткізу мүмкіндігі бар.

Кездесу бүгін "Хоторнс" стадиоында Қазақстан уақытымен сағат 16:00-де басталады.

"Бернлидің" Чемпионшиптегі жағдайы

"Бернли" маусымның алғашқы турында өз алаңында "Вест Хэммен" 2:2 есебімен тең түсті. Қазір команда Чемпионшип турнирлік кестесінде 16-орында тұр. Айта кетейік, Дастан Сәтпаев "Бернлиге" лондондық "Челсиден" 2026/27 маусымының соңына дейін жалға алу келісімімен ауысқан.

Осылайша, бүгінгі матч қазақстандық футболшының Англиядағы алғашқы ресми ойынына айналуы мүмкін.

21+, «Domina Fortuna (Домина Фортуна)» ЖШС Қазақстан Республикасының Мәдениет және спорт министрлігінің Туризм индустриясы комитеті» РММ 31.08.2021 жылы берген № 21025302 лицензиясы негізінде әрекет етеді.